Африкаын эм 57 канму, на пöвстын нёльыс — аснаукӧн мездлун босьтöмöсь да та вöсна мирын пыдди пуктытöмöсь. Ӧнiя асшöр канмуяс пиысь унджыкӧн дыр кад чöж вöлöмаöсь европаса канмуяслы колония пыдди, найö босьтӧмаӧсь асшöрлун сöмын 1950–1960 воясö.

Та вотöдз асшöраяснас вöлiны сöмын Египет (1922ʼ восянь), Эфиопия (шöр нэмъяссянь), Либерия (1847ʼ восянь) да Лунвыв Африкаса Республика (1910ʼ во бöрсянь, кӧть и Лунвыв Африкаын ХХ нэмса 90-ӧд воясöдз вöлi апартеид, кор сьöд вужвойтырсö быд ног увтыртöмаöсь).

Континент войвылын йöз кан улынöсь кольöны öткымын мувывтор: Испаниялӧн Сеута, Мелилья да Канара дiяс, а Португаллӧн Мадейра.