Коми республика му весьтын сынöдлы сямсö урчитö медсясö Войвылын олöмыс: шондiлöн во чöж юграсьöмыс оз вевтырт танi 70-80 килокалори сантиметра квадрат вылö да.

Таысь кындзи канмуыд куйлö ылынкодь Атлантикасянь, а Войвыв океаныд мöдарö ― нач матын. Сiйöн буретш сэтысянь и пöлялö унджыксö кöдзыд сынöд, циклон ваявлö ли.

Сынöд сямыс Комиад кызвынсö борей кодь ― кузь кöдзыд тöла да шоныдик гожöма. Войвывланьыс сынöдлöн борей сямыс öтарö чорзьö, полюсдорса кодь нин лоö.

Вöньяс серти сынöдлöн сямыс вежсьö эськö сьöрсьöн-бöрсьöн-а, быд вöньыс, бара, ясыда тöдчö жö. Гожöмын шонтöгыслысь содöмсö казялан веськыда войвывсянь лунвылö. Вöркута гöгöрыд кö сора дырйи шонтöгыс шöркодя арталöмöн кайлö цельсий нульсянь вылö сöмын 8–10 чутöдз-а (+8...+10° С), медся лунвылын сiйö дас кӧкъямыс чутöдз нин содлö (+18°С).

Тайö веськыдлунсö кутшöмакö торкыштö Тиман мусюр, джуджданас шонтöгсö чинтыштö да. А Сибыр Из бердын, медджуджыд инъяс весьтас, сынöдлöн сямыс и дзик нин полюсдорса кодь.

Тöвъясын ывлаыд шоналыштлö озджык шондi гожсьыс, а Атлантика отвасянь вайлöм сынöдысь. Сiйöн и шонтöгыслысь чинöмсö казялам Рытыввывсянь Асыввылö. Тöвшöр дырйи шöркодяс босьтöмöн шонтöгыд канму рытыввылас лоö кельси нулювса 15 чут гöгöрыс-а (−15° С), Посюсдорса Из бердын — −20...−21 чутаöн нин. Зырöдас кö нöшта Войвывсяньыс кöдзыдыс, шонтöгыс вермö катовтчыны улöджык ― −40°...−45°С-öдз, мукöддырйи эськö и −50°...−55°-öн на овлö-а.

Коми республика му весьтын сынöдыс вывтi улис сяма ― вой гöгöр кымöрсяньыс усялöмаыд вевтыртö муысь пакталöмсö да. Енэжва во чöжöн öкмылö шöркодя артыштöмöн 400 мм-ысь унджык; Тиман рытладорас, а кытсюрö и Шöрвыв мусюрас ― 600 мм-ысь унджыкöн. Нöшта на унаöн öкмылö усялан ваыд Сибыр Излы рытыв бан вылас ― 1500 мм-öдз во чöжöн.