Австралия — медічӧт му юкӧн. Площадьыс сылӧн 7 600 000 кв. км. Сійӧ 6 пӧв ичӧтджык Азияысь да 1,5 пӧв ичӧт Европаысь. Сы бердын лоӧ Ыджыд да Индия океанъяс. Австралия — нач ӧти сэтшӧм му юкӧн, коді ставнас куйлӧ лунвыв мусярджынйын. Азия дінысь водз торъялӧм вӧсна, — а войдӧр найӧ ӧтпомысь вӧлӧмаӧсь — Австралия дзик ӧтнас торйӧн коли да дыр оліс аслас медвойдӧрся быдмӧгъяснас да пемӧсъяснас.

Вадор визьыс. Діяс. Австралиялӧн вадорыс омӧля кытшолӧсь. Куръяяс зэв этша. Войвылын эм Йорк кӧдж. Австралиясянь асыввывдор Лӧнь океанса діяс шусьӧны Океанияӧн. Медгырысь діясыс Океанияын: Выль Гвинея, Выль Зеландия, Выль Каледония. Найӧ воддза материклӧн колясъяс, посньыдджыкӧн лоӧны Полинезияса діяс. Ӧткымыныс на пиысь коралл діяс, шуам, Каролин, Маршал діяс, мукӧдыс — вулканаяс, шуам: Гавайи, Котыр нима да мукӧд діяс.

Австралия асыв-вой вадор пӧлӧн нюжалӧмаӧсь кораллъясӧн артмӧм діяс, кодъясӧс шуӧны «Ыджыд барьер рифӧн».