Африка куйлӧ асыввыв мусярджынйын. Европаысь сійӧс торйӧдӧ Гибралтар вис да Мушӧр саридз, асыввывсяньӧд Суэц канал да Гӧрд саридз торйӧдӧны сійӧс Азия дінысь, асыв-лун бокын лоӧ Индия океан, рытыввыв бокын — Атлантика.

Африкалӧн мутасыс 30 млн. кв. км да ыджданас сійӧ лоӧ мукӧд му юкӧнъяс пиын коймӧд местаын.

Африкалӧн вадоръяс абу кытшолӧсь, ӧтсямаӧсь, унджыклатіыс ляпкыдӧсь да лыа дюнааӧсь; вадор визяс кӧджъяс, діяс да куръяяс этша.

Паракодъяслы сулалан бур гаваньяс этша. Сӧмын, кӧні дзик вадорӧдзыс локтӧны гӧраясыс, сэнъясын эмӧсь бур бухтаяс.