Африка ставнас тэчӧма уна тшӧтшкӧс вывтасъясысь, кодъяс артмӧмаӧсь тшупӧдӧн-тшупӧдӧн уна судта массивнӧй глыбаясысь.

Африка асыввылӧд нюжалӧма джуджыд шлювдӧд, кӧні и лоӧны африкаса медгырысь тыяс. Тайӧ шлювдӧд пӧлӧныс эмӧсь кусӧм вулканъяс Кения да Килиманджаро.

Африкалӧн мупытшса озырлунъяс. Торъя нин уна быдсикас мупытшса озырлунъясыс Африка лунвылын. Лунвылын эмӧсь мир пасьта зарниӧн медозыр местаяс, алмазӧн озыр копияс, ыджыд запас из шом, кӧрт руда, ыргӧн куйлан местаяс. Африка шӧрын уна ыргӧн. Африкаын кӧрт эм уналаын, торъя нин уна войвылас.