Африкаса юяс: Нил, Еджыд Нил да Лӧз Нил, Нигер, Конго, Замбези да Оранжава.

Африкалӧн юясыс уна вааӧсь да зэв кузьӧсь. Заводитчӧны найӧ Африка шӧрсянь. Тшӧтшкӧс вывтас тшупӧдъясӧд визувтігӧн, найӧ усьӧны зэв вылісянь да мукӧддырйи вӧчӧны зэв-зэв ыджыд борганъяс (шуам, Виктория борган Замбези ю вылын) да коськъяс (Конго, Нил да мукӧд юяс вылын). Та вӧсна Африкаса юясӧд ӧткымынлаті некутшӧма оз шогмы ветлӧдлыны судноясӧн.

Коська юяссӧ лоӧ кытшовтны кӧрт туйяс вывті. Уна ваа да коськӧсь юяс вӧчӧны Африкаӧс «еджыд шом» видзас серти медозыр континентӧн. Юяснас вӧдитчӧны му кӧтӧдӧм вылӧ.