Америго Веспуччи — флорентияса путешественник, код нимӧн вӧлі нимтӧма Америка му. Чужлӧма А. Веспуччи 1454 вося март 9 лунӧ Флоренцияын (Флорентия республика), а кувсьӧма 1512 вося февраль 22 лунӧ Севильяын (Испания).
1501-1502 воясӧ сійӧ аслас командаыскӧд карабъяс вылын мӧдӧдчис Бразилия да Вест-Индия вадоръяслань. Та кадӧ ветлысь-мунысь и гӧгӧрвоӧдіс, мый тайӧ муясыс абу Азиялӧн доръясыс (кыдз водзын вӧлі чайтӧма Колумб), а торъя континент. А. Веспуччи шуис тайӧ мусӧ “Новый свет” нимӧн. 1507 воын выль континентлы сетісны “Америка” ним (Веспуччилӧн латынь ногса ним сертиыс).