Параллельяс да меридианъяс артмӧдӧны сідз шусяна градуса тыв. Градуса тыв серти ми вермам аддзыны да пасйыны мушар вылысь кӧть кутшӧм чут. Босьтам пример. Мед миянлы шар вылысь колӧ аддзыны чут, коді сулалӧ 30° войвыв пасьта вылын да 60° асыввыв кузьта вылын. Медводз ми корсям экватор, сэсся войвыв мусярджын вылысь 30° параллель. Сэсся нуля меридиансянь асыввывланьысь корсям 60° меридиан. И сэні, кӧні 30° параллельыс вомӧнасьӧ 60° меридианкӧд, лоас корсян чутыс. Дженьдӧдӧм могысь, «войвыв пасьта» кыв пыдди гижӧны прӧстӧ в. п., лунвыв пасьта пыдди — л. п., асыввыв кузьта пыдди — а. к. да р. к. (например, 30° а. к., 60° р. к.).