Шонді, планетаяс да тӧлысь кындзи, енэжын быд мусярджынйын миянлы тыдалӧ 6000 кымын кодзув. Кодзувъяс — дон би телӧяс. Найӧ шонді моз жӧ сетӧны ассьыныс югыд. Сідзкӧ, шонді сэтшӧм жӧ кодзув. Кодзувъяс миянсянь зэв ылынӧсь. Медматысса кодзувлӧн югӧрыс локтӧ му вылӧдз 4 во да джынйӧн (югыдлӧн ӧдыс 300.000 км 1 сек.). Та понда и ыджданас зэв гырысь кодзувъяс миянлы кажитчӧны югъялысь ичӧтик чутъясӧн, а збыльысьсӧ эськӧ уна кодзув миян шонді дорысь 100 пӧв ыджыдджыкӧсь.