Америка рытыввыв вадор пöлöн, Аляскасянь Биа Муöдз, кыссьöны му вылын медся кузь гӧраяс – Кордильера, Лунвыв Америкаын найö шусьöны Андъясöн. Тайö гӧраясыс орлöны сöмын öти местаын — Панама вуджанiнын. Пöшти кузялаыс найö мунöны некымын орчча мусюрöн. Войвыв Америкаын татшöм мусюрыс уна, и найö сэн шусьöны торъя нимъясöн: Чуграяс, Сьерра-Невада, Вадорсаяс да мукöд. Тайöмусюръяс костас куйлöны зэв паськыд платояс, кыдзи Мексика плато да Войвыв-Америкаса Ыджыд плато, сiдз шусяна Ыджыд бассейн.