Асыввыв Европаын юясыс зэв кузьӧсь. Заводитчӧны найӧ неыджыд вывтасінъяссянь, пӧкатыс ичӧтик да сы вӧсна визувтӧны ньӧжйӧникӧн. Тайӧ бура отсалӧ суднояслы ва паныд ветлыны, да сыкӧд жӧ тшӧтш артмӧны ю вылас уна ляпкыдінъяс. Юясыс босьтӧны васӧ лымйысь, сы вӧсна тулысын ёна туӧны да петӧны берегысь, а гожӧмын ёна косьмӧны. Асыввыв Европаса юяс матыстчӧны мӧда-мӧд дінас йывъяснас да вожъяснас, мый вӧсна кокни вӧчавны каналъяс.

Карта серти удж.

1. Тӧдмалӧй, ылын-ӧ сулалӧны экваторсянь Лунвыв Америкалӧн медся войвыв да лунвыв чутъясыс.
2. Кутшӧм кад ӧні Лунвыв Америкаын медся лунвылас?
3. Кутшӧм ыджыд ю ті тӧданныд Лунвыв Америкаысь?

Америкалӧн тэчасногыс торъялӧ гырысь да прӧстӧй чертаясӧн. Кыкнан Америкаыслӧн тӧдчанаыс сійӧ, мый юксьӧны кузяногыс куим тшупӧд вылӧ. Рытыввылын куйлӧны зэв джуджыд да мукӧд серти том гӧраяс. Налӧн ӧтувъя нимыс Кордильера (Лунвыв Америкаын тшӧкыдджыка шуӧны Андъясӧн). Шӧрсӧ босьтӧны увтасінъяс. Асыввылын — ёна жугавлӧм важ гӧраяс да неыджыд увтасінъяс.

Уськӧдӧй тӧд выланыд: Мый лоӧ ю система да ю бассейн? Кыдзи артмӧны косьяс да борганъяс? Кутшӧм тыяссӧ шуӧны тектоникаӧн?

Африкаса гидрография вез